Kung
si Pangulong Digong ay walang tiwala na kayang talunin ng Gilas Pilipinas ang
Italy sa 2019 FIBA World Cup sa kanyang paboritong bisitahing bansa, mas may
tiwala naman sa koponan ng Pilipinas si Coach Rajko Toroman ng Serbia. Kulang
daw tayo sa height kontra sa Italy kaya sa China na lang daw tayo pumusta (kumampi?) Sabi
ni Digong: “We will lose dito sa Italian,
ang lalaki kaya niyang mga gagong ‘yan.” Walang ka-gilas-gilas na statement
ito. Duwarog na pahayag na dinaan lang sa pagmumura (sa paggamit ng “gago”).
Sabi nga ni Coach Jason Webb ng Magnolia Hotshots sa PBA, "I also have no plans of cheering for a country stealing our land from us." Told you, napaghahalo talaga ang sports at politika.
Sabi nga ni Coach Jason Webb ng Magnolia Hotshots sa PBA, "I also have no plans of cheering for a country stealing our land from us." Told you, napaghahalo talaga ang sports at politika.
Noon
pa man, ang kay Coach Toroman ay mas kariringgan ng totoong motibasyon kundi
man pag-asa: “I think that the chance is against Italy than against Serbia. For me,
the Philippines can make surprises. And whenever you play, you have a chance to
win.” Sa tantiya ni Toroman, mas may tsansa pa raw and Gilas sa Italy kaysa
sa team niya (Serbia).
Nagpapakatotoo
lang daw si Digong sabi ng isang DDS sa internet. Kagaya kung gaano nila
binigyan katwiran ang pagmumura at dyokis ng pangulo na nagpapaka-totoo lang daw. Ang
kanyang kagaspangan sa mga pormal na okasyon at ang kanyang pagiging sexist ay
pagiging totoo lang daw. Eniwey, nagpapaka-totoo rin naman siguro sa kanyang
lakas ng loob at tiwala sa kanyang koponan si Andray Blatche nang sabihin niya
na, “Our goal is to come in and win that
game right there and take the momentum going on to the next two.” Sa
pahayag na ito ng pangulo na sa China na lang kumampi, siyempre, palakpakan ang
mga nasa harap niyang kasapi ng Filipino-Chinese Chamber of Commerce and
Industry kamakailan. Sabi ng pangulo ay manonood siya sa laro ng Gilas at
makakasama raw niya ang Vice-President ng China.
Palusot
naman ng iba, baka daw gusto lamang bigyan ng motivation ni Digong ang Gilas.
Kailan pa naging motivational speaker si Digong? Motivation din ba yung, “Shoot them in the vagina” at iba pang atas?
Henga
pala, sa opening round, sasagupain ng Gilas ang Italy sa August 31, Serbia sa
September 2 at Angola sa September 4. Si Duterte ay pupunta sa China para
makipag-pulong kay Chinese President Xi Jinping, para manood ng FIBA games at
pasinayaan ang isang school building doon na itinayo sa pagpaparangal sa
kanyang inang si Soledad.
Hindi
ako umaasa na ipaaalala ni Pangulong Digong kay Pangulong Xi kung papaano
tinalo minsan ng Pilipinas and China sa larong basketbol maraming dekada na ang
nakalipas. Kung papaanong mula sa pagiging literal na bansot sa basketball ay
literally at figuratively naging basketball giant sa Asia ang mga Tsino.
Bumangon lang sila bilang bansa. Malaki kasi ang tiwala ng kanilang mga pinuno
sa kanilang mga mamamayan.
Pero
kwidaw tayo, noong unang lumahok sa international competition sa basketbol ang
Pilipinas ay nilalampaso natin ang China. 1913 noon nang ang mga
basketbolistang Pinoy ay nagkampiyon sa kauna-unahang Far Eastern Games na
Olympic version ng Asya noon. Olats ang Japan at China sa Philippines noon.
Lampaso parati ang China sa Pilipinas noon, lalo na noong 1923 nang ang isang
Luis “Lou” Salvador (Tatay ni “Mamatay
Kayong lahat” Philip Salvador) ay umiskor ng 116 points para makopo ang
kampiyonato.
Huwag
na tayong maghangad muli ng basketball dominance sa mundo pero ang sports ay
paraan din ng pagpapamalas ng tatak natin bilang mga mandirigma para sa pagiging makabayan, sa palakasan at kasarinlan. Matalo manalo.
Sa
tiwala at suporta ng mga nasa poder ay utay-utay na mananaig tayo sa China
huwag lang tayong susuko sa kanila sa anumang bagay na ating pinagtatalunan.
Sa
basketbol, sa maraming bagay….
--------
Sources:
Photo: Rappler
No comments:
Post a Comment